విర్చువల్ బాక్స్ సాయంతో రెండు ఆపరేటింగ్ సిస్టంలను ఒకేసారి వాడటం!

లక్ష్యం:
ఒకే సమయంలో రెండు ఆపరేటింగ్ సిస్టంలను విర్చువల్ బాక్స్ ద్వారా వాడటం ఎలా అన్న విషయాన్ని తెలుసుకొంటారు.

ప్రశ్న : ఒకే సమయంలో రెండేసి ఆపరేటింగ్ సిస్టంలను వాడవచ్చా?

జవాబు : వాడవచ్చు.

ప్రస్థుతం మనం కంప్యూటరుతో ఏ పనినైనా చేయించగలిగించేస్తున్నాం. అలాంటి ప్రయత్నానికి ఫలితమే ఇది. 1967లో ఇది మొదలైంది. ఈ కాంసెప్టు పేరు వర్చువలైజేషన్ (virtualisation). దీనిని అనుసరించి చేయబడినదే virtual machine.

అసలు దీని సంగతేమిటంటే…. virtual machine అనేది మన కంప్యూటర్లో ఒక సాఫ్ట్వేర్. దీనిని వాడుకొని మనం ఒక కంప్యూటర్ను శృస్టిస్తాము. దీనికి కొంత RAM మరియూ HardDiskను ఇస్తాము. ఇలా సాఫ్ట్వేర్ లోపల తయారు చేయబడిన ఈ కంప్యూటర్ లో ఇంకొక ఆపరేటింగ్ సిస్టం ఇంస్టాల్ చేసుకోవచ్చు. ఈ ఆపరేటింగ్ ఇంస్టాల్ చేయటం ఎలా అంటే.. ఒక .iso ఫైల్ను సీ.డీ లాగా ఇచ్చి దాని నుండీ ఇంస్టాల్ చేయటమే..

మీకు వర్చువల్ బాక్స్ సాఫ్ట్వేర్ కావాలంటే ఇక్కడి నుంటి డౌంలోడ్ చేసుకోండి. అన్ని రకముల ఆపరేటింగ్ సిస్టంలకూ సరిపడిన ఫార్మాట్లు అక్కడ లభిస్తాయి.

లినక్స్ లోపల విండోస్, విండోస్ లోపల లినక్స్ వాడుకొనే అవకాశముంది.

మీరు ఎంత RAM దీనికి కేటాయిస్తే అంత ఈ సాఫ్ట్వేరు వాడుకొంటుంది.

పనితీరు ఎలా అంటే. ఉదాహరణకు మీరు విండోస్ వాడుతున్నారనుకోండి. వీండోస్ లో ఈ సాఫ్ట్వేర్ను(virtual machine) ఇంస్టాల్ చేసి, ఆ సాఫ్ట్వేర్ ఆధారంగా, అందులో సృస్టించబడిన కంప్యూటర్లో ఇంకొక ఆపరేటింగ్ సిస్టంను, అది ఏదైనా కావచ్చు(లినక్స్ లేదా విండోస్ లేక మరేదైనా), ఇంస్టాల్ చేయటం. మనమెప్పుడు కావలిస్తే అప్పుడు ఆ సాఫ్ట్వేర్ ఆధారంగా మరొక ఆపరేటింగ్ సిస్టంను ప్రస్థుతం వాడుతున్న ఆపరేటింగ్ తో పాటుగా ఒక విండో లోపల వాడుకో వచ్చు. బొమ్మలలో ఉదాహరణలు చూడండి.